ENTRIMO - FEBREIRO - FESTAS INVERNO E DO VERÁN

Durante o mes de FEBREIRO estivemos a coñecer algunhas das FESTAS DE INVERNO E DE VERÁN que se celebran en Entrimo.

Coincidindo co Entroido e como festa de inverno, achegámonos ás máscaras típicas do Entroido de Entrimo: as Madamitas e Madamitos. Buscamos información sobre a historia das máscaras, os seus traxes e as diferentes prendas de roupa que compoñen cada un dos traxes e deseñaron os seus propios traxes.. 

Ata tivemos a aportunidade de vestirnos cos traxes típicos e fixemos unha exposición de fotos. 

Entre as festas de verán traballamos a festa na Honra de Santa María a Real e a Festa gastronómica da empanada de forquellas e da carne ao caldeiro de vaca cachena.

 

MUIÑOS- FEBREIRO- FESTAS INVERNO E VERÁN

No mes de febreiro coñecemos dentro das festas de Inverno, o Entroido e a súa figura representada no Cabreiro. Para elo, realizamos na Radio Xurés unha entrevista ao noso mestre Alberto, un dos impulsores de que o Cabreiro saira a rúa nos tempos de Entroido.

 

 Achegamos enlace a entrevista:

https://www.ivoox.com/o-cabreiro-mascara-do-entroido-muinos-ourense-audios-mp3_rf_143650518_1.html

Dentro de este bloque temático, e xa que coñecemos o Entroido e fumos vendo a gastronomía e as tradicións do Concello; consideramos moi oportuno investigar sobre as Festas das Sopas do Burro Canso, Galo Pica no Chan e Becerro do Xurés ao Espeto, dentro das festas de verán.

Unha festa na que se congregan tres festas culinarias no mesmo día...Este de Muiños están algo loucos!.

Para elo, xa que elaboraramos as Sopas no colexio no mes de outubro, investigamos e creamos un cartaz interactivo explicando que facer se alguen decide ir ás festas de Muiños a través dun vídeo explicativo.

LOBEIRA 🐺- FEBREIRO: festas de inverno e verán

En febreiro, investigamos sobre as festas máis salientables do concello de Lobeira. 

Achegándonos ao verán, a romaría máis importante deste concello da Baixa Limia é, sen dúbida, a Romaría da Virxe do Viso, que coincide co domingo de Pentecoste. Investigamos e lemos sobre todas as actividades que se levan a cabo durante estes festexos incluíndo unha procesión de fachos, unha procesión acompañada de bandas de música e/ou gaiteiros, unha degustación gastronómica e a festa da xuventude. 

En Arts, quixemos facer unha pequena homenaxe a esta festa elaborando uns debuxos da Capela da Nosa Señora do Viso. 

Con respecto ás festas do inverno, probablemente a máis salientable sexa o Entroido, coa recentemente recuperada máscara do Carantoño que foi recuperada grazas á memoria dun veciño de Sabarís, Julio Alonso. 

LOBIOS- FEBREIRO- FESTAS DE INVERNO E VERÁN

Neste mes estivemos descubrindo cousas acerca das festas do concello de Lobios.

Como festas de verán atopamos:

A FESTA DA CARRETADA E DOS CALLOS

Na festa da carretada fanse xogos de "competición" e de "carreiras" por idades. Asimesmo, tamén se ofrece para os visitantes a degustación do prato típico: "os callos".

          

Levamos a cabo un taller de cociña para simular a festa dos callos.

 

A FESTA DA MALLA

Esta festa recrea as distintas fases do ciclo do pan " a sega e a malla". Faise unha representación da malla tradicional do centeo, tanto a man cos mallos como con máquinas dos anos 60. 

A festa conta tamén cunha cena popular de todo o pobo.

Deixamosvos por aqui algúns dos momentos que vivimos no cole simulando a festa da malla.

Esperamos que vos guste!!

Entre as festas de inverno destacamos O ENTROIDO.

Investigamos que o traxe típico de Lobios é o FOLLATEIRO. Aprendemos as partes da súa vestimenta así como tamén elaboramos a súa máscara.